BBK ESG Hub Cámarabilbao, BBK Banku Fundazioak eta Bilboko Merkataritza Ganberak, Petronorrekin lankidetzan, kudeaketa jasangarriaren bidez enpresen lehiakortasuna laguntzeko eta bultzatzeko ekimenak, Lehiakortasun Jasangarria Sarien bigarren edizioko hautagaitzak aurkezteko epea ireki du.
Gaurtik, irailak 21etik aurrera, egoitza soziala Bizkaian duten edo jarduera nagusia Bizkaian duten enpresa guztiek aurkeztu ahal izango dute bere hautagaitza esghub.eus BBK ESG Hub Cámarabilbaoren webgune ofizialean. Hautagaitzak aurkezteko epea urriaren 11n amaituko da, 23:59an.
Parte hartzen duten enpresek Sari hauetako hiru kategorietako bat lortzeko aukera izango dute:
- Ingurumen-berrikuntza saria: ekimen propio eta berritzaileen bidez ingurumena zaintzeari eta deskarbonizazioari arreta berezia eskaintzen dieten erakundeak.
- Berrikuntza sozial jasangarria saria: ekimen propioen bidez alderdi sozialetan lan egiten duten erakundeak.
- ESG irizpideak hobekien integratzen dituen ETE saria (sari bi): alde batetik, ETEak, kudeaketa-ereduan jarduera etikoak, ingurumenekoak eta sozialak ezartzeari garrantzi berezia emanez; bestetik, enpresa sortu berriak – 2021eko urtarrilaren 1aren ondoren osatuak -, jasangarritasuna beren jardueraren edo kudeaketa-ereduaren ardatz estrategikoa dutenak.
Hautagaitzak aurkezteko epea amaitu ondoren, enpresa eta erakunde munduan ibilbide luzea duten pertsona ezagunek osatutako epaimahai profesional batek kategoria bakoitzean saritutako erakundeak hautatuko ditu.
Sariak emateko ekitaldia 2026ko azaroaren 17an, asteartea, izango da, BBK Aretoan (Kale Nagusia, 19-21 – Bilbo).
Informazio gehiago hemen
